كتب / ممدوح محروس
من رباعيات : د. محمد نور الدين
أنا مولود في الزمن الغلط * لما اتعرت العجايز **
ومبرر الجانى اللى اتظبط * إن فعله كان جايز **
فيه جاهل افتى فتاوى ** مع عميل للخراب ناوى **
والشعب كله اتحبط ** لما الانحطاط كان فايز **
مولود في الزمن الغلط * والكهرباء بريئة م الحرايق **
والأمر على البشر أختلط * لما غطينا ع السارق **
مش ح اغش فى العباد * ولا ح اسكت على فساد **
ولو عاطى الوظيفة إشترط ** أنا مستقيل وأنا مفارق **
مش مولود فى زمن غلط * لما أعيش وأموت فايق **
دى غباوة وأكبر عبط ** للى يتعاطى وهو سايق **
لا ح اسكر و لا ح اتسطل * ولا ح اتجنن أو اتهطل **
واللى فى المخدرات شبط ** بقى قتيل المزاج الرايق **
مش مولود فى الزمن الغلط * والعيب فى الشقايق **
مش مفروض أبلع الزلط * وأمتنع عن ذكر الحقايق **
وأمشى جنب الحيطة * أهيص لأى زيطة ***
ولو عقد الحق اتفرط * سرقة حباته غير لايق ***
مش مولود فى زمن غلط * وبأحب الفواتح وأكره الغمايق **
وبطبعى قلبى أتربط * على وردة ونسمة بتتعايق **
مش بأندم ع اللى راح * و دايما أتفائل بالأفراح **
فيهم كيوبيد فيا خبط * واخترت أجمل الخلايق ***
مش مولود فى زمن غلط * لما أتمنى أساعد بلادى **
ده بمصر قلبي ارتبط * وبالعمل نهزم الأعادى **
منهم الخاين والمتآمر * وللإرهاب ممول أو آمر **
ده الكل في قبر هبط * لما لمصر جه يعادى ** وليه عجبى
